Um Pírata

Píratar eru stjórnmálaafl sem berst fyrir raunverulegu gegnsæi og ábyrgð í stjórnkerfinu, auknu aðgengi að upplýsingum, beinu lýðræði, upplýsingafrelsi og endurskoðun höfundarréttar.

Sagan

Píratar á Íslandi voru stofnaðir þann 24. nóvember 2012. Píratar byggja á hugmyndafræði Piratpartiet frá Svíþjóð sem Richard Falkvinge setti á fót þann árið 2006 vegna aðkallandi þarfar á lagaramma utan um höfundarrétt á internetinu. Nú starfa Píratahreyfingar í meira en sextíu löndum. Áherslur eru mismunandi eftir þjóðum en ákall Pírata um gegnsæi í stjórnsýslu og verndun og eflingu borgaralegra réttinda er undirstaða Pírata um allan heim.

Stjórnmálin

Píratar berjast gegn spillingu. Píratar vilja betra og sanngjarnara samfélag þar sem allir sitja við sama borð. Gagnsæið, sem Píratar leggja mikla áherslu á, er forsenda fyrir ábyrgri og upplýstri þátttöku almennings í mótun samfélagsins.

Alþingi

Sagan spannar þrennar kosningar. Fyrst vorið 2013 sem sem skilaði 5% fylgi. Þrír Píratar tóku þá sæti á Alþingi; Helgi Hrafn Gunnarsson, Birgitta Jónsdóttir og Jón Þór Ólafsson. Árið 2016 náðu Píratar inn 10 þingmönnum og eftir kosningar 2017 skiluðu sér inn 6 þingmenn.

Formannsleysið

Píratar byggja á flötum strúktur og velja sér því ekki formann. Við upphaf hvers löggjafarþings er nýr formaður valinn innan þingflokksins með hlutkesti. Formennska í Pírötum er eingöngu formlegs eðlis vegna þinglegra reglna og hefur ekki í för með sér nein sérstök valdsvið eða ábyrgð. Samkvæmt lögum Pírata ber að hafna sérstöku 50% launaálagi formanns. Píratar telja að slíkar álagsgreiðslur vegna flokksstarfs séu á ábyrgð flokkanna en ekki Alþingis.

Sveitarstjórn

Árið 2014 tóku Píratar fyrst þátt í sveitarstjórnakosningum víða um land og fékkst einn kjörinn fulltrúi í Reykjavík. Í sveitarstjórnarkosningum 2018 bauð flokkurinn fram í fimm sveitarfélögum auk þess að vera þátttakandi í sameiginlegum framboðum víða um land. Tveir fulltrúar fengust kjörnir í Reykjavík og einn í Kópavogi.

Grasrótin

Grasrótin er hjarta Pírata. Píratar eru vettvangur fyrir alla sem vilja taka þátt í að móta samfélag sitt í átt til aukins lýðræðis og borgararéttinda, bæði í raun- og netheimum, og ræða breytingar á frjálsan og óheftan hátt með aðstoð tækninnar fyrir opnum tjöldum.

Viltu taka þátt?

+