1. maí kveðja oddvita Pírata í Reykjavík

Dóra Björt Guðjónsdóttir, oddviti Pírata í Reykajvík birti í dag baráttukveðju vegna Verkalýðsdagsins, greinin birtist fyrst á frettabladid.is

Fylgjumst ein­huga að!

Bar­áttu­dagur verka­lýðsins sækir upp­runa sinn í mál sem er okkur Pírötum hjartans mál; styttingu vinnu­viku, það er að segja átta stunda vinnu­dag og helgar­frí. Fyrstu skref bar­áttu verka­lýðsins grund­völluðust þar að auki í kröfunni um verk­falls­réttinn sem telst nú ó­rjúfan­legur hluti af nú­tíma­legum lýð­ræðis­ríkjum. Að leggja niður störf til að krefjast bættra kjara er grund­vallar­réttur verka­fólks og nýtist ein­göngu þegar allt um þrýtur, er það því réttur sem ganga þarf langt til að standa vörð um. Ó­neitan­lega setur CO­VID-19 svip á há­tíðar­höldin að þessu sinni. Við Píratar viljum óska launa­fólki góðs dags. Fögnum árangrinum sem náðst hefur og mætum endur­nærð til bar­áttunnar fram undan.

Hinn 1. maí árið 1886 lagði verka­fólk í Banda­ríkjunum niður störf í kjöl­far langrar bar­áttu fyrir bættum kjörum og átta stunda vinnu­dag. Ís­lenskar rætur dagsins sækja einnig upp­haf sitt í bar­áttuna um styttri vinnu­dag. Vöku­lögin sem voru lög­fest árið 1921 og tryggðu ís­lenskum sjó­mönnum sex tíma hvíld á sólar­hring. Þau eru einn fyrsti sigurinn sem hefur unnist á Ís­landi í verka­lýðs­bar­áttu. „Hér skal orð­takið það: Fylgjumst ein­huga að!“ segir í aug­lýsingu Kröfu­göngu­nefndar á for­síðu Al­þýðu­blaðsins 1. maí árið 1923.

Stytting vinnu­tíma er lýð­ræðis­mál og mann­réttinda­mál. Það er vitað að með skemmri vinnu­degi fylgir meiri á­nægja í starfi, færri veikinda­dagar og aukin lífs­gæði. Það varðar aukna hamingju og sam­veru­stund með fjöl­skyldunni. Starfið okkar á að styðja við okkar heilsu og vel­ferð. Við erum ekki hlutir sem hægt er að nýta og of­nýta og henda svo í ruslið.

Ný­verið var skrifað undir kjara­samninga fyrir lægsta launa­hóp okkar Reyk­víkinga og það er mér mikið gleði­efni að á­samt því að leið­rétta laun kvenna­stétta og hækka lægstu laun er þar kveðið á um styttingu vinnu­viku dag­vinnu­fólks úr 40 í 36 klukku­stunda vinnu­viku – og enn meiri styttingu fyrir vakta­vinnu­fólk. Þessum hópi, Ef lingar­fólki og öðru mikil­vægu starfs­fólki annarra verka­lýðs­fé­laga, vil ég þakka fyrir að standa eins og klettur í fram­línunni vegna CO­VID-19. Ég vil einnig nota tæki­færið og hvetja önnur sveitar­fé­lög til að ganga frá samningum. Pólitík er ekki leikur og á­byrgðin er mikil á tímum sem þessum að ganga ekki til samninga.

Bar­áttunni er hvergi lokið. Við eigum öll rétt á góðu lífi með reisn. Gleði­legan 1. maí.


Vinsæl myndbönd

Hjálpaðu að gera myndbandsefni Pírata aðgengilegt fyrir alla með því að taka þátt í textateymi Pírata á Amara.org

Amara is a project of the Participatory Culture Foundation (PCF), a nonprofit 501c3. We are driven by our mission to foster a media ecosystem that enables everyone to benefit from online video content. Content that can enrich lives, but is not currently available to those who cannot hear or understand the language of the video. We believe a participatory and inclusive world leads to a more understanding and caring society.